7 глас тропарный - 1 голос | Текст песни

• Тексты песен
• 7 глас тропарный
• 1 голос

Pesni.guru - сайт для Гуру

Разрушил еси Крестом Твоим смерть, / отверзл еси разбойнику рай; / мироносицам плач преложил еси / и Апостолом проповедати повелел еси, / яко воскресл еси, Христе Боже, / даруяй мирови / велию милость. [дважды]

Богоpодичен: Яко нашего воскресения сокровище, / на Тя надеющияся, Всепетая, / от рова и глубины прегрешений возведи; / Ты бо повинныя греху спасла еси, / рождши Спасение наше. / Яже прежде рождества Дева, и в рождестве Дева, / и по рождестве паки пребываеши Дева.

Не ктому держава смертная / возможет держати человеки: / Христос бо сниде, сокрушая и разоряя силы ея. / Связуем бывает ад, / пророцы согласно радуются: / предста, глаголюще, Спас сущим в вере, / изыдите, вернии, в воскресение.