Альберт Узденов - Чакъырады Къарт Джурт | Текст песни

• Тексты песен
• Альберт Узденов
• Чакъырады Къарт Джурт

Pesni.guru - сайт для Гуру

Салкъын аяз сылай кюмюш сакъалын,
Минги Тауну турушунда олтурад,
Тансыкъ сезим джесир этиб акъылын,
"Келигиз", деб Къартджурт бизни чакъырад.

Топракъ кесек алыргъа деб сен атлан,
Къарачайны атасына - Къартджуртха.
Атамы сюеме десенг, ийнанмам,
Уллу кёллюлюгюнг болса бу джуртха.

Къарачайны джаудан сакълай саркъгъанды
Ма бу джерге кёб джигитни къанлары,
Ма бу джерге ёмюр топракъ болгъанды
Ата-бабаларыбызны санлары.

Бери келсенг, сен кёлюнгден этме тас
Бар халингден сайларынгы сабырын.
Кешенеге чыкъсанг, джерни эслеб бас,
Теблемезча сен ахлунгу къабырын.

Кёк Къобанны къонгураулай ауазы,
Эжиу эте, назик бешик джырларгъа,
Минги Тауну келечиси - аязы
Алгъыш айтханд Ислам кибик джашлагъа.

Алий улу - насыб джолну устасы, -
Мында чабханд таякъчыкъны ат этиб.
Белляу айтханд Азретге да анасы,
Таза джюрек сёзлеринден джыр этиб.

Чыкъ, къарнашым, чыкъчы джолгъа ашыгъыш,
Туудугъуна къараб Къартджурт къууансын:
Ол борчунгду, эски джурт бла сен таныш,
Андан башха ишинг кесек сакъласын!

Бери термилиб ёлгенле ючюн, сен
Кел, къучакъла эски джуртда сауланы!
Кюзгю кибик кёк Къобандан суу ичсенг,
Ба этерсе акъ башларын тауланы!