Зарема Алтуева - // | Текст песни

• Тексты песен
• Зарема Алтуева
• //

Pesni.guru - сайт для Гуру

макъамы, сёзлери да Эбзеланы Абу-Юсуф хаджини

...Эй, адамла, къачмагъыз, Аллахны тюз джолундан!
Къачханча джаханимни джаннган къызыу отундан.

Бу Аллахха чакъырад хар кимни къутхарыргъа,
Джаннетге киргенлеге, къалгъанла сукъланыргъа.

Бу дунияда да бизни ол тюз джолгъа салады,
Ол айтханча этгенни, адамлыгъы толады.

Адамлыгъы болмаса, адам адам болмайды,
Ариу къылыкълы болмай, къайда да ол онгмайды.

Джаннетли болур ючюн, мында адам болайыкъ,
Аллах Кеси Къуранда айтхан джолда турайыкъ.

Сиз ма былай турсагъыз, Мен разы болурма дейд,
Иймандан сора Аллах ариу къылыкъны излейд.

Мында къазауат этиб, къылыгъын ким тюзетсе,
Къой дегенин ол къоюб, эт дегенин да этсе,

Ол адамгъа къайда да Аллах разы боллукъду,
Ашхыла бла джаннетде ол къууана турлукъду.

Дини болмагъан адам – ол хайуаннга ушайды,
Бир джукъгъа сагъыш этмей, ашын алай ашайды.

Сора хайуаннга ушаш, тойса, джатыб, джукълайды,
Бир кереклиси болса, къуру аны джокълайды.

Адамланы хайуандан башхалыгъы – акъылды,
Аны бла хайырланнган, ол аладан такъылды.

Адамладан сыйсызла андан хайыр алмайла.
Ала аны ишлетиб, ойлашыб къыйналмайла.

Бу кяфырны саугъасыд ма бу халгъа джетдирген,
Адамны эм хайуанны бир мизамгъа келтирген.

Сарыубек эмиб бошаб, къуру хырыу къалгъанды,
Джюреклени къурутуб, къаннга бузукъ салгъанды.

Сен бир келтир, тилейбиз, энди аны орнуна,
Джюреклени сагъайтыб, буруб халкъны онгуна!

Я, Рабби, Сен бир болуш, огъур кюнде биз башлаб,
Муратлагъа бир джетдир, динибизни Сен бошлаб!

Аллы башланнган кибик, артын да Сен бир онгдур,
Биз этген муратланы, Я, Аллахым, бир толтур!

Хизбуллахны Сен чакъдыр, халкъла бары билирлей,
Аны ариугъа санаб, миллет сюйюб кирирлей!

Я, Рабби, бир эт бизге Сени кенг рахматынгы,
Джюрек Сени эсгериб, биз айтырлай Атынгы!