Одеяйся светом, яко ризою, наг на суде стояше, и в ланиту ударение прият от рук, ихже созда: беззаконнии же людие на Кресте пригвоздиша Господа Славы: тогда завеса церковная раздрася, солнце померче, не терпя зрети Бога досаждаема, Егоже трепещут всяческая. Тому поклонимся. Ученик отвержеся, разбойник возопи: помяни мя Господи во Царствии Твоем. Умири мiр, от Девы изволивый, Господи плоть носити за рабы, да согласно Тебе славословим, Человеколюбче.