Омар Отаров - Алийни джыры | Текст песни

• Тексты песен
• Омар Отаров
• Алийни джыры

Pesni.guru - сайт для Гуру

Муз. и сл. народны.

Ой, аягъымда да чурукъла, ой, ой,
Джылтырайдыла омакъдан,
Башыма умут а этгенем, къызла,
Юйюбюзге келген къонакъдан.

Юйюбюзге келген а къонакъны сюйюб,
Бир уллу айыб алгъанма.
Мен Алийими уа Лабагъа джибериб,
Ызындан къараб къалгъанма.

Лабада турсанг а, турлукъма, Алий.
Ол къатын алса, не этерме?
Ой, ол заманда уа дуниям къарангы,
Башымы алыб кетерме.

Мени Алийим а ёрлеб чыкъгъанед
Лабаны салкъын таууна.
Окъа налтехле уа этиб тагъарыкъма
Аны герохуну баууна.

Джолоучу болуб а атлансанг, Алий,
Узакъ - ашхыды джууукъдан,
Бир аман кюнледе атланнганенг, Алий,
Къыйналмыса сен сууукъдан?

Лаба джолунда уа къанджалбаш юйле,
Сен, сууукъ болсанг, къайта бар.
Болджал салмайын а, аллыгъынг бла
Алмазлыгъынгы айта бар.

Мен джаз джабалакъ а болуб джаугъаем,
Къозуларынга, къоюнга,
Сен, мени къоюб а, башханы алсанг,
Джылай барлыкъма тоюнга...