Pesni.guru - сайт для Гуру
Бездә биек таулар бар ла,
Тау астында таллар бар;
Талда яфрак, миндә сагыну,
Сездә нинди хәлләр бар?
Тау астында салкын чишмә.
Агып төшә улакка;
Сагынуымны эйтер идем
Җил дә исми ул якка.
Алмалар өзәр идем лә,
Бауларга тезәр идем;
Янмаса бу йөрәккәем,
Сагынуга түзәр идем.
Салкын чишмә буйларында
Атлар эчерсәң иде.
Туган-үскән җирләреңдә
Гомер кичерсәң иде.
Статистика страницы на pesni.guru ▼
Просмотров сегодня: 2