Удмурт нылпиос - Боко | Текст песни

• Тексты песен
• Удмурт нылпиос
• Боко

Pesni.guru - сайт для Гуру

Кышкатӥз монэ Санко,
Мурӝолын, пе, вань боко.
Эн, пе, пыра выж улэ,
Юрт кузё отын улэ.
Пелляськись озьы шуэм,
Песяе солэсь кылэм.
Мон малпай: эскероно,
Ас синмыным адӟоно.

Одӥгнам кылем бере,
Эшъёсы ӧвӧл дыре,
Мон усьтӥ мурӝол ӧсэз,
Шыпак ӧти бокоез:
«Боко, боко, пот ай, пот,
Мар отын огнад пукод?
Аръянэн ачим сюдо,
Арганэн шулдыр шудо...»

Кызьы но ӧй ӧть сое,
Нош уг поты бокое.
Собере йыры курен
Ӟепын нуллон фонарен
Пырак мурӝолэ васьки,
Жадьытозь ик утчаськи.
Чик ӧвӧл отын боко,
Эрекчаз монэ Санко.

Ох, шедёз тыныд, Сани,
Школаысь бертод тани...
Гулбечын мон сылӥсько,
Кожалод, зэмос, боко:
Берыктэм шуба – вылам,
Лусьтыро изьы – йырам,
Шумамын киос, бамъёс,
Гон пӧлысь учко синъёс.

Пырыса ӧз ву Санко –
Гулбечысь мон потӥсько,
Дыбыр-шалтыр карыса,
Ош сямен ик бурсыса.
Санилэн кышкаменыз
Шальтрамын киыз-пыдыз.
Со уг дӥсьты вырӟыны,
Монэным вераськыны.

Жаль потӥз соку агай:
Дӥсьёсме,тушме куяй.
«Я, эн курда, - шуисько, -
Чик ӧвӧл мон шуш боко…
Юри тазьы пумитай,
Пӧямед понна визьмай.
Мед возьыт луоз аслыд:
Кӧшкемась вылэм сямыд».