Подобаше самовидцем Слова и слугам, и еже по плоти Матере Его успение видети, конечное елико на Ней таинство: яко да не токмо еже от земли Спасово восхождение узрят, но и Рождшия Его преставлению свидетельствуют. Темже отвсюду Божественною силою собравшеся, Сиона достигоша, и на небо идущую предсылаху Вышшую херувим: Ейже и мы с ними покланяемся, яко молящейся о душах наших.