Shőck therapy и Элита Секинаева - Фыдæлты Симд | Текст песни

• Тексты песен
• Shőck therapy и Элита Секинаева
• Фыдæлты Симд

1-аг æрзард:
Æрдзы зæлдаг риуыл Зилахары фæз –
Нартæн сæ хъазæн, сæ кафæн бынат у.
Хурмæ ыскалынц цæхæртæ сæ кæрдтæ,
Сиу вæййынц кафты сæ кард æмæ бар.

Базард:
Фарн æмæ амондæй дзаг уæд Ирыстон,
Зæдтæм ’мæ дзуæрттæм куыд кувæм æргомæй.
Курæм Хуыцауæй æнцойад нæ бæстæн,
Арæм ирон фынгыл алкæд йæ ном.

2-аг æрзард:
Махæн нæ кадджын, нæ цытджын хистæрæй
Баззадис кадæгау нæ диссаджы кафт.
Симынц уæздан симдæй Иры фæсивæд,
Бахастис кафты сæ цард æмæ уарзт.

Базард: уыцы иу.

3-аг æрзард:
Симынц нæртон симдæй алантæ, скифтæ,
Хъуысы уынæр уæларвтæм, сæ фæндыры цагъд.
Симд у æнусон цырагъау нæ цардæн,
Уый у нæ намыс, нæ фыдæлты кад.

Базард: уыцы иу.

Фарн æмæ амондæй дзаг уæд Ирыстон.
О, Хуыцау, æнцойад ратт нæ бæстæн!

http://vkontakte.ru/asson_digoron