Гуру ПесенАльберт Узденов - Къачхы кечени макъамлары | Текст песни
Pesni.guru - сайт для Гуру
Кёкню къара кёкюрегин
Элия къама узун кесиб,
Аны къара къычырыгъы
Джюрегиме урду кесин.
Къоркъуб къара къычырыкъдан,
Джюрегимден джарыкъ макъам
Кетиб барад ышыкъ излеб,
Кетген джазыкъ кибик Джуртдан.
Къайтарыргъа мурат этиб,
Чакъырама ол макъамны,
Джутад джюрек ауазымы
Къара джелни сарнагъаны.
Джелге синнген мутхуз джангур
Терезеге урад кесин...
Быллай кече джазгъан болур
Огинский да "Полонезин"?
***
Къарангы орнунда тебчилдейди,
Джел этед оджакъны сыбызгъы,
Макъамы къулакъны джесирлейди,
Тыйгъычсыз кючюне къызыныб.
Ангымы тартаргъа тюзелле
Джашлыкъны мукъладис джыллары.
Согъаргъа излесем, юзюлелле
Джазыуну тотусуннган къыллары.
Къарамы, къаманы ауузуча,
Тиними толтурад табладан,
Джукъласам да, аны ауазыча
Бир ауаз тёгюлед тауладан.
Заманнга кесими хорлатханма,
Таныгъан - бетимде да окъур,
Сюйюмлю сыфатны унутханма...
Джарыкъны унутамыд сокъур?
Къарангы къартлыкъдан агъарады,
Джел ауузун айырад оджакъдан,
Бир мурат джарыкъгъа чакъырады,
Джюрекни толтуруб джомакъдан.
Статистика страницы на pesni.guru ▼
Просмотров сегодня: 2