Альберт Узденов - Поппури | Текст песни

• Тексты песен
• Альберт Узденов
• Поппури

Pesni.guru - сайт для Гуру

Ата Джуртум, къучагъын джаяд,
Халкъларын ийнакълай!
Тау къушну да уясы къаяд,
Уямса, Къарачай!
Мен джырлайма джюрекден келген
Ауазыма тынглай!
Джашна, джашна, къонакъны сюйген,
Джомакълы Къарачай!

Джюрегинде пелиуанлыкъ джашагъан,
Ариулугъу сюймекликге ушагъан,
Тау намысы ушаб тауда акъ къаргъа!
Джаным къурман болсун Джуртум Малкъаргъа!
Мен бетиме салсам къолун анамы,
Беш бармагъын Беш Тау Эли сунама!
Эринлерим сыласала аланы,
Сау Малкъарны уппа этген сунама!

Бир сейирд бу ёмюр,
Бу джомакълы ёмюр!
Джашауну атламын
Къарау сокъур кёрюр.
Джерни сабийлери,
Дуния мал амалтын
Тас этмегиз Джерден
Адамлыкъны шартын!

Орайда-райда, Хурзук элим!
Орайда-райда туугъан джерим!
Анамачад санга джюрегим!

Джюрегимде сенге базман!
Дунья болалыр деб базмам!
Сен атаса, мен а - улан!
Туугъан элим - Учкулан!

Топуракъ кесек алыргъа деб сен атла
Къарачайны атасына - Къарт Джуртха!
Атамы сюеме десенг - ийнанма,
Уллу кёллюлюгюнг болса бу Джуртха!

Боза аякъны биз къолгъа алыб,
Алгъыш тилеик таулада!
Сюймегенле да сюйсюнле бизни,
Ол нюзюрюмдю джаулагъа!
Ичеик-ичеик-ичеик,
Адамлыкъгъа базыб!
Тилеик-тилеик-тилеик
Халкъыбызгъа насыб!
Ичеик-ичеик-ичеик,
Адамлыкъгъа базыб!
Тилеик-тилеик-тилеик
Халкъыбызгъа насыб!
Джуртубузгъа насыб!
Джер башына насыб!