Анна Чочиева - Ды ацыдтæ (ног верси) | Текст песни

• Тексты песен
• Анна Чочиева
• Ды ацыдтæ (ног верси)

Музыка Анны Чочиевой стихи Таймураза Хаджеты

ДÆ АЦЫД

Ды ацыдтæ. Дæ нымæг къахдзæф тары
Мæ хатæнмæ æмыр уазал хæссы.
У къуым афтид. Зынггуыр гæлæбу царыл
Уæхствад галау тыгъдбазырæй хуыссы.

Изæрмилтæ. Хъызы мæ уды хохыл.
Тæссар барзæндтæм ехсæй арв хынцы.
Ды ацыдтæ... Æмæ дæуæй у рохы
Дæ пъаты рис, дæ узæлты хъынцъым.

Тæхынц пырх мигътæ. Рудзгуытыл сæ фæрстæ
Гæдыйау хафынц. Ацыдтæ мæнæй...
Ды фæзæджимæ диссаджы æнгæс дæ:
Фæрныг рæстæг, фæлæ дзы зарæг нæй...

Æцæгæлон, æвæлмон, хъулон, барджын,
Къæйных дуне мæ рудзгуыты цæуы.
Цыма мæ раджы ферох дæ, ды раджы,
Фæлæ дæ сурæт цæсты раз лæууы.

Тæхынц пырх мигътæ. Рацахсын фæнды
Мæн, урс æфсургътау, уыдонæн сæ идон,
Фæлæ дзæгъæлы.. Аууæрд сæ, уæд дзы
Ныллæдæрсы мæ уды бынмæ ихдон.