І дома, і на працы ў нас адны паўстанцы,
Усе будуць намагацца дзяржаву надурыць,
Ціхенька так змагацца, а ўверачы на танцы,
Бо хочацца паўстанцу ўвесь танцпляц скарыць.
Сэрца паўстанца б'ецца ў рытме танца,
Хочацца паўстанцу танцы распрыгоніцца,
Сэрца паўстанца адчувае шанцы,
Шанцы на танцпляцы шмат з кім пазнаёміцца.
Гэй дзяўчынка, што гэта за ўчынак?
Ты хутчэй давай мне згоды,
Дзеля нашае свабоды,
Ты глядзі мне ў вочы млява,
Ты мяне ўсяго турбуеш,
Пагаджайся жа хутчэй,
Бо на заўтра потым, чуешь?
Проста адкажы мне "так",
Я жаўнер, а не мастак.
І няма ўжо болей моцы,
І няма ўжо болей часу,
Ты хутчэй канчай ламацца,
Будзем потым цалавацца.
Сэрца паўстанца б'ецца ў рытме танца,
Трэба ж паўстанцу танцы распрыгоніцца,
Сэрца паўстанца адчувае шанцы,
Шанцы на танцпляцы шмат з кім пазнаёміцца.
Хто млявы, а хто жвавы,
Але дурыць дзяржаву для нас святая справа,
Свяцей ад іншых справаў,
А ўверачы, па працы, прыемна для паўстанца,
Туды накіравацца, дзе ўвесь танцпляц паўстаў.
Сэрца паўстанца б'ецца ў рытме танца,
Хочацца паўстанцу танцы распрыгоніцца,
Сэрца паўстанца адчувае шанцы,
Шанцы на танцпляцы шмат з кім пазнаёміцца.(x2)
Статистика страницы на pesni.guru ▼
Просмотров сегодня: 3